नेकपा एमालेया बरिष्ठ नेता माधवकुमार नेपाल समूह न पार्टी अध्यक्ष केपी शर्मा ओली व जनता समाजवादी पार्टीया निर्णय पिइगु जुइ जुगु दु।

सोमवाः पार्टी अध्यक्ष तक जुयादीम्ह प्रधानमन्त्री केपी शर्मा ओलीं विश्वासया मत कयादीइगु इलय् संसदय् अनुपपस्थित जुगु खः।

उगु छलफलय् पार्टी अध्यक्ष ओलीया पलाः स्वया न्ह्यावनेगु धका धागु दु । सोमवाः प्रधानमन्त्री ओली पदमुक्त जुइवं राष्ट्रपति विद्यादेवी भण्डारीं स्वन्हुया ई बिया संविधानया धारा ७६ (२) कथं सरकार गठनया लागि आह्वान यागु खः।

संसदीय गणित कथं नेपाली काँग्रेस, नेकपा माओवादी केन्द्र व जनता समाजवादी पार्टी (जसपा) मिले जुया गठबन्धनया सरकार बने जुइफु । बहुमतया सरकारयात १३६ मत माः। काँग्रेसनाप ६१, माओवादी ४८ व जसपायाके ३२ सिट दु ।

तर जसपाया छगु धार (महन्थ ठाकुर व राजेन्द्र महतो) न कांग्रेसया नेतृत्वया गठबन्धन सरकार निर्माणय् असहमति क्यंगुलि एमाले बाहेकया सरकार दयकेगु अवस्था मदु। तर माधव समूह धासा छु न निर्णय यागु मदुनि  ।

Categorized in राजनीति