बुटवल लुम्बिनी एफसीयात बुका ललितपुर सिटी एफसी क्वालिफायरय्
कछलाथ्व पारु ११४१,बैसाख २९ बुधवाः
ललितपुर सिटी एफसी न्हापांगु संस्करणया नेपाल सुपर लिग (एनएसएल) फुटबलया क्वालिफायरय् दुहाँवंगु दु ।
बुधबाः जूगु निगूगु इलिमिनेटरय् बुटवल लुम्बिनी एफसीयात १–० गोलया अन्तरं बुकाः ललितपुर क्वालिफायरय् थ्यंगु खः । त्रिपुरेश्वरया दशरथ रंगशालाय् ललितपुरयात त्याकेत कप्तान अन्जन बिष्टं निर्णायक गोल यात ।
तसकं धेँधेँबल्ला जूगु कासाय् निगू टोलीं यक्वः हे गोल यायेगु ह्वःता चूलागु खः । तर ललिपतुरं ह्वःता चुलाका गोल याःगु खः । कासाया ६१गू मिनेटय् कप्तान अन्जन विष्टं गोल यासें ललितपुरयात १–० नं न्ह्यने यंकूगु खः ।
मिक्छेन तामांया क्रसय् अन्जनं डाइभ याना उत्कृष्ट हेड पाखें गोल याःगु खः । आः ललितपुरं फाइनलय् दुथ्यायेत निगूगु क्वालिफायर काठमाडौं रेजर्सलिसे म्हितिइ ।
