थौंनिसे जेठ १३ गतेतक थप निषेधाज्ञा
लहानान्युज | कछलाथ्व द्धितीया ११४१,बैसाख ३० बिहीवाः
स्वनिगलय् थौंनिसे जेठ १३ गतेतक थप निषेधाज्ञा लागु जुगु दु ।
थुगु इलय् अत्यावश्यक सेवा बाहेकया कार्यालय न बन्द यागु दु । काठमाडौया प्रमुख जिल्ला अधिकारी कालीप्रसाद पराजुलीं कोभिड–१९ या जोखिम अप्वाया वंगुलि थथे निर्णय यानागु खः धका धयादीगु दु ।
वासः, खाद्यान्न व मेगु अत्यावश्यक उपभोग्य वस्तु वा सेवा खरिदया लागि नाप अत्यावश्यक सेवा बाहेकया मेपि छेँ न पिहा मवनेत धागु दु। निषेधाज्ञाया इलय् अत्यावश्यक सेवाया कार्यालयबाहेक मेगु जिल्ला कार्यालय वैशाख ३० गतेनिसे बन्द यायेगु आदेश जारी यागु खः।
प्रमुख जिल्ला अधिकारी पराजुलीया कथं थुगुलि निषेधाज्ञा सुथय् १० बजे तक अत्यावश्यक खाद्य सामग्रीया पसः, व्यवसाय व डिपार्टमेन्टल स्टोर्स जक खुला जुइ । नाप सार्वजनिक व निजी सवारी साधन जेठ १३ गते चान्ह्य १२ बजे तक सञ्चालनय् रोक लगे यागु दु ।
Categorized in राष्ट्रिय
