नेकपा एमालेया अध्यक्ष नाप प्रधानमन्त्री केपी शर्मा ओली व नेता माधवकुमार नेपाल दथुइ भेटवार्ता सुरु जुगु दु।

व्यवसायी क्याप्टेन रामेश्वर थापाया चपलीइ निम्ह नेता दथुइ भेटवार्ता सुरु जुगु दु। लिपागु इलय् नेपाल पक्षया सांसदपिन्स सांसद पदं राजीनामा बिइगु तयारी जुगु इलय् ओली व नेपाल दथुइ भेटवार्ता जुगु खः ।

बिहीवाः सुथय् अध्यक्ष ओलीं नेपालयात फोन याना नापलायेगु लागि प्रस्ताव तगु खः।

बिहीवाः एमाले स्थायी कमिटीया बैठकं नेता नेपाल, भीम रावल, घनश्याम भुसाल व सुरेन्द्र पाण्डेपिन्त निलम्बन यानातगु कारबाही लित कायेगु निर्णय यागु खः । बिहीवाः हे नेता नेपालनाप ओली पक्षया नेता विष्णु पौडेलं नाप लागु खः। 

Categorized in राजनीति