वडाध्यक्ष निर्मलरत्न शाक्ययात मातृशोक
लहानान्युज | कछलाथ्व द्धितीया ११४१,बैसाख ३० बिहीवाः
यल महानगरपालिकाया १६ वडाया अध्यक्ष नेपाल भाषाया म्येया च्वमी निर्मलरत्न शाक्ययात मातृशोक जूगु दु ।
वयकं मां धर्मलक्ष्मी शाक्यं बुधवाः चान्ह्यः १०ः४५ बजे मदुगु खः । येँया महाराजगन्जस्थित शिक्षण अस्पतालय् वासः याकू याकू हे मदुगु खः ।
दमया ल्वय् दुम्ह वयकः वंगु २६ गते स्वाब परीक्षण यागु इलय् कोरोना पोजिटिभ क्यंगु खः ।
बुलुहुँ बुलुहुँ श्वासप्रश्वासया समस्या वयेवं म्हिंगः चान्हेय् वयकःयात अस्पतालय् भर्ना यागु खः । वयकःया म्ह्याय् स्वम्ह व काय् निम्ह दु ।
वडाध्यक्ष शाक्य वयकःया तधिकम्ह काय् खः।
Categorized in राष्ट्रिय
