वंगु २४ घण्टाया दुने कोरोना भाइरस संक्रमणं २१४ म्हेसिगु ज्यान वंगु दु।

स्वास्थ्य तथा जनसंख्या मन्त्रालयं थौं बिहीवाः न्हिनय् नेपाली सेनां व्यवस्थापन यागु शवया आधारय् सीपिनिगु ल्याः सार्वजनिक यागु खः ।

थ्व नाप नेपालय् कोरोना संक्रमणपाखे सीपिनिगु ल्याः ४४६६ म्ह थ्यंगु दु । मन्त्रालयया कथं वंगु २४ घण्टाय् १९ हजार ४७४ म्हेसिगु पीसीआर व ७७१ म्ह एन्टिजेन परीक्षणय् ८९६० म्हेसित कोरोना संक्रमण पुष्टि जुगु दु ।

आःतक संक्रमितपि चार लाख ३१ हजार १९१ म्ह थ्यंगु दु ।

अथेहे वंगु २४ घण्टाय् कोरोना भाइरस संक्रमणमुक्त जूपि ५०५५ म्ह थ्यंगु दु ।

थ्व नाप आःतक संक्रमण मुक्त जूपि तीन लाख २१ हजार ५१८ म्ह थ्यंगु दु।

Categorized in राष्ट्रिय