सीईडीबी हाइड्रोपावर डेभलपमेन्ट कम्पनीया धितोपत्र प्रारम्भिक सार्वजनिक निष्कासन (आईपीओ) थौं बाँडफाँड जूगु दु ।

बिक्री प्रबन्धक सनराइज क्यापिटलं थौं सुथय् ११ बजे आईपीओ बाँडफाँड यागु खः । कम्पनीं थ्व हे वैशाख १७ निसे २१ गते तक प्रतिकित्ता १०० रुपैयाँअंकित भाः २५ करोड १८ लाख २३ हजार रुपैयाँ बराबरया २५ लाख १८ हजार २३० कित्ता साधारण सेयर बिक्री खुला यागु खः।

उकि मध्ये २ प्रतिशत अर्थात् ५० हजार ३६५ कित्ता सेयर कर्मचारीया लागि व ५ प्रतिशत अर्थात् १ लाख २५ हजार ९११ कित्ता सेयर सामूहिक लगानी कोषयात छुटे याना बाँकी २३ लाख ४१ हजार ९५४ कित्ता सेयर सर्वसाधारणया लागि बिक्री खुला यागु खः। उगु आईपीओय् १७ लाख ३६ हजार ७०० आवेदकपाखे २ करोड ६३ लाख ४५ हजार ५०० कित्ता सेयर माग जुगु खः। उकि मध्ये १६ लाख ८५ हजार ६२७ आवेदकया २ करोड ४७ लाख ७ हजार १०७ कित्ता भेरिफाइ यागु खः।

उकि मध्ये ४ हजार ४४२ आवेदकपिनिगु ६१ हजार ३७२ कित्ता आवेदन अयोग्य जुगु दु । अथेहे, ४८ हजार ३२२ आवेदकपिनिगु आवेदन भेरिफाइ यायेगु झ्वलय् १६ लाख ३७ हजार ६५९ आवदकपिन्त गोलाप्रथापाखे सेयर बाँडफाँड जुगु दु धका बिक्री प्रबन्धक सनराइज क्यापिटलं धागु दु।

सर्वसाधारणपिन्त निष्कासन जुगुलि २३ लाख ४१ हजार ९५४ कित्ता सेयर धितोपत्र निष्कासन व बाँडफाँड नियमावली कथ १० कित्ताया दरं बाँडफाँड यागुलि २ लाख ३४ हजार १९५ आवेदकपिन्स १० कित्ता लागु खः। उकि मध्ये प्यम्हेसितथप १ कित्ता याना ११ भागय् वंगु खः । बाँकी दुपि १४ लाख ३ हजार स्वया अप्वो आवेदकपि खाली ल्हाःजुगुदु ।

Categorized in राष्ट्रिय