गण्डकी प्रदेशया मुख्यमन्त्री पृथ्वीसुब्बा गुरूङं मन्त्रिपरिषद विस्तार यागु दु।

मुख्यमन्त्री गुरूङं मन्त्रिपरिषदय् दीपक मनाङे नं न्याम्ह मन्त्री यागु दु।

बुधवाः किरण गुरुङं आर्थिक मामिला तथा योजनामन्त्री व रामशरण बस्नेत, विकास लम्साल व नरदेवी पुनयात विना विभागीय मन्त्रीया रुपय् प्रदेश प्रमुख सीता पौडेलं पद व गोपनीयताया शपथ बिगु दु । युवा तथा खेलकुदमन्त्री नियुक्त दीपक मनाङे धासा शपथ ग्रहण समारोहय् अनुपस्थित जुगु दु।

थ्व स्वया न्ह्यः बस्नेत भौतिक पूर्वाधार, लम्साल उद्योग पर्यटन वन तथा वातावरण व पुन सामाजिक विकासमन्त्री जुगु खः। कोरोना संक्रमित जुया होम आइसोलेसनय् च्वनाच्वंगु इलय् वैशाख २९ गते मुख्यमन्त्रीमा नियुक्त जुम्ह पृथ्वी सुब्बा गुरुङं उगु हे दिं मन्त्रिपरिषद विस्तार याये चाहे जूसा स्वास्थ्यका कारण लिछागु खः।

मुख्यमन्त्री गुरूङ आः न होम आइसोलेसनय् च्वना च्वंगु दु। मुख्यमन्त्री गुरूङं सामाजिक विकास मन्त्रालय तछ्याना दीपक मनाङेयात युवा तथा खेलकुद मन्त्री दयकूगुलि मन्त्रालय ल्याः च्यागु थ्यंगु दु।

Categorized in राजनीति