नेकपा (माओवादी केन्द्र) कपिलवस्तुया जिल्ला नेता दीपक पाण्डेयात गोली क्यकूगु दु।

तौलिहवा–जीतपुर सडकखण्डया सडवा धइगु थासय् पाण्डेयात म्हिगः चान्ह्य स्वम्हसिया पुचलं गोली क्यकूगु खः।

कपिलवस्तु नगरपालिका तौलिहवाया ३५ दँ दुम्ह पाण्डेयात प्वाथय् व जँय् याना पेस्तोलं निगः क्यकूगु खः। घाःपाः जुम्ह पाण्डेयात युनिभर्सल मेडिकल कलेज भैरहवाय् उपचार यानाच्वंगु दु।

पाण्डेयागु म्हय् छगः गोली लिकाय् धुकुगु दु सा मेगु छगः लिकाय् ल्यःदनिइ धका जिल्ला प्रहरी कार्यालय कपिलवस्तुया प्रवक्ता धर्मराज भण्डारीं धागु दु ।

निग्लिहवापाखे मोटरसाइकलय् वःपि स्वम्हेसिया पाण्डेयात गोली क्यकूगु धका डीएसपी भण्डारीं धागु दु।

Categorized in राष्ट्रिय