प्रमुख प्रतिपक्षी दल नेपाली कांग्रेसया सभापति शेरबहादुर देउवां प्रधानमन्त्री केपी शर्मा ओलीयात १५ बुँदे ज्ञापन पत्र बुझे यागु दु।

पाटीया शीर्ष नेतापि नाप सिंहदरबार वना सभापति देउवां ज्ञापनपत्र बुझे यासे प्रधानमन्त्री ओलीयात नागरिकपिनिगु जीवनप्रति जिम्मेवार जुइत इनाप यागु दु ।

कोरोनाविरुद्धया खोप सकल नागरिकपिन्त उपलब्ध यायेत, अक्सिजनया अभाव अन्त्य यायेत व खोप खरिदय् जुगु अनियमितताया छानबिन यायेत वयकल माग यागु खः ।

‘कोभिड–१९ महामारीया न्हापागु चरण स्वया थुगु चरण गुलि गुणा भयावह दु। सीमानाकाय् इलय् समुचित व्यवस्थापन यायेगुलि सरकार गम्भीर मजुगुलि थुगु अवस्था सिर्जना जुगु खः ।

सङ्क्रमण दर व सीपि अप्वोया वंगु दु’ ज्ञापनदु पत्रय् अथे धयातःगु दु । अथेहे, खोप न्यायगुलि भ्रष्टाचार जुगुलि ध्यानाकर्षण यागु खः।

उगु लिसलय् प्रधानमन्त्री ओलीें कोरोना नियन्त्रणया लागि सरकार चच्छि न्हिच्छि प्रयत्न यानाच्वनगु व भ्रष्टाचार जुगु आरोप निराधार खः धका धयादीगु खः।

Categorized in राजनीति