सर्वोच्च अदालतं सांसद मखुपि न्ह्यम्ह मन्त्रीपिन्त मन्त्रीको हैसियतय् ज्या यायेत रोक लगे यायेगु अन्तरिम आदेश जारी यागु दु।

प्रधानन्यायाधीश चोलेन्द्रशम्शेर जबराया एकल इजलासं संसदय् सदस्य मखुपि मन्त्री रामबहादुर थापा बादल, टोपबहादुर रायमाझी, लेखराज भट्ट, प्रभु साह, गौरीशंकर चौधरी, मणि थापा व दावा लामायात मन्त्रीया हैसियतं छु न ज्यामकायकेत अन्तरिम आदेश जारी यागु दु।

पद वपि मन्त्री नेकपा माओवादी केन्द्र त्वता वःवपि नेकपा एमाले प्रवेशयापि खः। सर्वोच्च अदालतया आदेश लिपा गृह, उर्जा, जलस्रोत तथा सिञ्चाइ, उद्योग, वाणिज्य तथा आपूर्ति, शहरी विकास, श्रम, खानेपानी व युवा तथा खेलकुद मन्त्रालय खाली जुगु दु।

बादल गृह, रायमाझी उर्जा, भट्ट उद्योग, साह शहरी विकास, चौधरी श्रम, थापा खानेपानी व लामा खेलकुद मन्त्री खः। संसद सदस्य मखुपिन्त मन्त्री दयकेगु संविधान विपरीत खः धका अधिवक्ता विराज थापा व अधिवक्ता कपिलदेव ढकालं सर्वोच्च अदालतय् रिट तःगु खः ।

Categorized in राजनीति