सिरहाय् स्वदँ न्ह्यः छम्ह मनूयात अपहरण याना स्यागू द्धपनय् फरार जूपि आरोपय् प्रहरीं स्वम्हेसित ज्वंगु दु।

बरियारपट्टी गाउँपालिका–४ तेनुवापट्टी च्वम्ह ३९ दँ दुम्ह जयराम साह, उगु थासय् च्वम्ह ३२ दँ दुम्ह हरेराम साह व ४७ दँ दुम्ह शैलेन्द्र साह यात ज्वगू खः।

२०७५ वैशाख २९ गते चान्ह्य बरियारपट्टी गाउँपालिका–४ या आधारभूत प्राथमिक विद्यालय तेनुवापट्टी न्ह्यने वडा नम्बर ४ सोहपुरया अनिषकुमार सिंहयात छेँ न अपहरण याना कुटपिट यासे घाइते यागु खः।

घाइते जूम्ह सिंहया उपचारया झ्वलय् २०७६ साल जेठ १ मदुगु खः ।

उगु घटना लिपा फरार जूपि स्वम्हेसित ज्वना मागु कारबाहीया लागि जिल्ला अदालत सिरहाय् पेश यायेगु धका जिल्ला प्रहरी कार्यालय सिरहाया प्रवक्ता शालिग्राम शर्मां धागु दु ।

Categorized in अपराध