नेप्से थौं ६ अङ्क थहावन
लहानान्युज | कछलाथ्व अष्टमी ११४१,जेष्ठ ६ बिहीवाः
शेयर बजार कारोबार मापक नेप्से परिसूचक थौं बिहीवाः ६ अङ्क स्वया अप्वो थहावंगु दु।
नेप्से ६ दशमलव ३७ अङ्क थहावना २७८७ दशमलव १८ अङ्क थ्यंगु दु धका नेपाल स्टक एक्सचेन्ज लिमिटेडं धागु दु। थौं खुगु समूहया सूचक थहा वंगु दु सा च्यागु समूहया सूचक घटे जुगु दु।
दकलय् अप्वो विकास बैंक समूहया परिसूचक एक सय १३ दशमलव ४४ अङ्क थहा वंगु दु सा जीवन बीमा समूहया परिसूचक ७८ दशमलव ८५ अङ्क घटे जुगु दु ।
थौं नौ अर्ब ३० करोड रुपैयाँ स्वया अप्वो दुई करोड एक लाख कित्ता शेयर किनबेच जुगु खः।
नेपाल रिइन्स्योरेन्स लिमिटेडया थौं दकलय् अप्वो ३४ करोड ७० लाख रुपैयाँ बराबरया शेयर कारोबार जुगु खः।
थौं गुडविल फाइनान्स कम्पनी लिमिटेड व मन्जुश्री फाइनान्स लिमिटेडया शेयर मूल्य १० प्रतिशत बढे जुगु दु।
पाँचथर पावर कम्पनी लिमिटेडया शेयर भाः धासा क्वहावंगु दु।
Categorized in राष्ट्रिय
