निवर्तमान गृहमन्त्री नाप नेकपा एमालेया उम्मेदवार रामबहादुर थापा बादलयात पराजित याना राष्ट्रियसभा सदस्यय् डा.खिमलाल देवकोटा विजयी जुग दु।

देवकोटां ५०८८ मतभार कागु खःसा बादलं ४०१४ मतभार कागु खः।

देवकोटायात नेपाली कांग्रेस, नेकपा माओवादी केन्द्र, जनता समाजवादी पार्टी व नेकपा एमालेया माधवकुमार नेपाल समूह न समर्थन यागु खः।

वाग्मती प्रदेशसभाया १०५ सदस्यपिनिगु मतदानय् देवकोटां ५८, बादलं ४५ व नेपाल मजदुर किसान पार्टीया कृष्णबहादुर तामाङं २ मत कागु खः।

अथेहे वाग्मती प्रदेशया स्थानीय तहया प्रमुख व उपप्रमुख याना २३३ म्हेसिगु मतदानय् देवकोटां १२८, बादलं १०३ व तामाङं २ मत कागु खः।

राष्ट्रियसभा निर्वाचनया स्थानीय तहया जनप्रतिनिधिपिनिगु मतभार १८ व प्रदेशसभा सदस्यपिनिगु मतभार ४८ दु।

Categorized in राजनीति