नेकपा एमालेया वरिष्ठ नेता माधवकुमार नेपाल समूहया सांसदपि सिंहदरबारय् भेला जुगु दु।

म्हिगः बिहीवाः राष्ट्रपति विद्यादेवी भण्डारीं धारा ७६ (५) को सरकार दयकेत आह्वान यायेवं नेपाल समूहया सांसदपि थौं भेला जुगु खः।

उगु छलफलय् नेता नेपाल, भीम रावल, जीवनराम श्रेष्ठ, रामकुमारी झाँक्री, विरोध खतिवडा, झपट रावल लगायत नाप २० म्ह स्वया अप्वो सांसदपि सिंहदरबार थ्यंगु खः।

राष्ट्रपति विद्यादेवी भण्डारीं थौं शुक्रवाः बहनि ५ बजे तक संविधानया धारा ७६ (५) कथं न्हुगु सरकार गठनया निम्ति ई बिगु खः।

ई न्ह्यने वयेवां दलपि एकपक्षीय व बहुपक्षीय छलफल याना च्वंगु दु।

Categorized in राष्ट्रिय