नेपाली कांग्रेसया सभापति शेरबहादुर देउवां प्रधानमन्त्री नियुक्तिया लागि राष्ट्रपतिसमक्ष दाबी पेश याइगु जुगु दु।

देउवां थःगु पक्षय् १४९ म्ह सांसदपिन्स हस्ताक्षर मूकुगु दु। शुक्रवाः सिहदरबारय् च्वंगु कांग्रेस, माओवादी केन्द्र, नेकपा एमालेया माधवकुमार नेपाल समूह व जनता समाजवादी पार्टीया उपेन्द्र यादव पक्षया शीर्ष नेतापिनिगु बैठकं देउवायात प्रधानमन्त्रीया रुपय् न्ह्यने यंकेगु सहमति जुगु दु।

माओवादी केन्द्रया नेता वर्षमान पुनया कथं देउवाया पक्षय् १४९ म्ह सांसदपिनिगु हस्ताक्षर मूकुगु दु। कांग्रेसया ६१म्ह, माओवादी केन्द्रया ४९ –छम्ह स्वतन्त्र नाप ), माधव नेपाल समूहया २७ म्ह व जसपाया १२ म्ह सांसदपिन्स हस्ताक्षर यागु खः।

राष्ट्रपति विद्यादेवी भण्डारीं ७६(५) कथं प्रधानमन्त्रीया नियुक्त यायेत संसदं बहुमत प्राप्त आधारय् प्रस्तुत यायेत थौं बहनि ५ बजे तक ई बिगु खः ।

Categorized in राष्ट्रिय