नेकपा एमालेया माधव नेपाल समूहया १४ म्ह प्रदेशसभा सदस्यपिन्त स्पष्टीकरण कायेगु निर्णय यागु दु।

एमाले बागमती प्रदेश संसदीय बोड नं थौं शनिवाः च्वंगु बैठकं राष्ट्रियसभा उपनिर्वाचनय् पार्टीया उम्मेदवार रामबहादुर थापा बादलयात बूकेगु भूमिका म्हितूपि नेपाल समूहया १४ म्ह प्रदेशसभा सदस्यपिन्त २४ घण्टाया दुने स्पष्टीकरण न्यकेगु निर्णय यागु दु।

कन्ह्य बहनि ५ बजे तक स्पष्टीकरण बुझे यायेत निर्देशन बिगु दु धका मुख्य सचेतक दीपक निरौलां जानकारी बिगु दु।

प्रदेशसभा सदस्यपि अष्टलक्ष्मी शाक्य, राजेन्द्रप्रसाद पाण्डे, अरुणप्रसाद नेपाल, रचना खड्का, कुसुमकुमार कार्की, मनु सिग्देल, बसुन्धरा हुमागाईं, लक्ष्मण लम्साल, इन्द्रमाया गुरुङ, कृष्णप्रसाद खनाल, वसन्त मानन्धर, शान्तिप्रसाद पौडेल, पार्वती सिलवाल व मीना ज्ञवालीपिन्त स्पष्टीकरण न्यंगु खः।

प्रमुख सचेतक निरौलाया कथं स्पष्टीकरण लिपा कारबाहीया थप प्रक्रिया सुरु यायेगु धका धागु दु ।

Categorized in राजनीति