२०८० चैत्र १६, शुक्रबार

हाकनं संसद पुनर्स्थापना जुइगु, :माओवादी केन्द्रया अध्यक्ष प्रचण्ड

लहानान्युज | कछलाथ्व एकादशी ११४१,जेष्ठ ८ सनिवाः

नेकपा माओवादी केन्द्रया अध्यक्ष पुष्पकमल दाहाल प्रचण्डं हाकनं संसद पुनर्स्थापना जुइगु भलसा कयादीगु दु।

नेपाली कांग्रेसया सभापति शेरबहादुर देउवाया नेतृत्वय् सरकार दयकेगु अवस्था दुगुलि राष्ट्रपतिं प्रधानमन्त्रीनाप मिले जुया असंवैधानिक रुपं संसद विघटन यागु दु धका धागु दु ।

शनिवाः विपक्षी गठबन्धनया बैठकलिपा पत्रकारपि नाप खँ ल्हानादीसे प्रचण्डं धागु दु, ‘‘संसद पुनर्स्थापना जुया लोकतन्त्र ट्रयाकय् वनेगु धका भलसा कयादीगु दु।’ प्रधानमन्त्री व राष्ट्रपतिं षड्यन्त्रमुलक तरिकां देय् दुर्घटनापाखे यकूगु धासे वयकल धयादीगु दु।

शनिवाः च्वंगु विपक्षी गठबन्धनया बैठकं संसद विघटनविरुद्ध राजनीतिक व कानूनी रुपं ल्वायेगु निर्णय यागु दु। देउवां १४९ म्ह सांसदपिनिगु हस्ताक्षर ज्वना दाबी यागुलि न दाबी मगागु धासे राष्ट्रपतिपाखे चान्ह्य संसद विघटन यागु अपारदर्शी व निरंकुश कदम खः धका प्रचण्डं धागु दु । वयकलं घोषित चुनाव क्यनेत जक खः धका दाबी यागु दु ।

‘चुनाव यायेत घोषणा यागु मखु, असंवैधानिक रुपं यागु उकि चुनावया अर्थ मदु।’ धका प्रचण्दं धागु दु। विपक्षी गठबन्धनं बहुमत सांसदपिनिगु हस्ताक्षर ज्वना संसद विघटनविरुद्ध सर्वोच्च अदालत वनेगु धका धयादीगु दु।

उकिया लागि आइतवाः १ बजे सांसदपि नागरिकतासहित बानेश्वरया संसद भवन सःतूगु दु धका धयादीगु दु।

Categorized in राजनीति