विराटनगया नोबेल मेडिकल कलेजय् थप १० म्ह कोरोना संक्रमितपि मन्त।

संक्रमण जुया उपचारया लागि भर्ना जुपि झीम्ह १८ घण्टाया दुुने मदुगु खः। सीपि न्याम्ह ५० स्वया कमयापि खः । शनिवाः सुथय् खुम्ह व शुक्रवाः चान्ह्य प्यम्ह मदुगु खः। शिक्षण अस्पतालया प्रबन्धक नारायण दाहालया कथं मोरङ पथरी शनिश्चरे नगरपालिका–४ या ३५ दँ दुम्ह मिजंम्ह शनिवाः मदुगु खः।

अथेहे सप्तरीया कञ्चनरुप नगरपालिका–१२ या ७० दँ दुम्ह चान्ह्यः १ बजे मदुगु खः। वयात जेठ २ गते नोबेल शिक्षण अस्पतालय् भर्ना यागु खः। महोत्तरीया बर्दिवास नगरपालिका–१ या ५१ दँ दुम्ह मिजंम्ह व बर्दिवास–५ या ६० दँ दुम्ह मिजंम्ह मदुगु खः। शुक्रवा चान्ह्यः १० बजे झापाया कन्काई नगरपालिकाया ५२ दँ दुम्ह मिजंम्ह मदुगु दु। वयात शुक्रवाः हे अस्पतालय् भर्ना यागु खः।

अथेहे सुनसरीया इनरुवा नगरपालिका–९ या ७५ दँ दुम्ह म्हिगः बहनि ७ बजे मदुगु खः। वयात न शुक्रवाः हे अस्पतालय् भर्ना यागु खः।

मोरङया धनपालथान गाउँपालिका –६य् ३५ दँ दुम्ह  मिसाम्ह शुक्रवाः बहनि ९ बजे मदुगु खः। वयात जेठ ७ गते भर्ना यागु खः । झापाया भद्रपुर ४० दँ दुम्ह मिजंम्ह, विराटनगर महानगरपालिका–५ या ४६ दँ दुम्ह मिजंम्ह व सुनसरीया रामधुनी नगरपालिका–३ या ३८ दँ दुम्ह मिजंम्ह सीगु दु धका नोबेल अस्पतालं धागु दु ।

Categorized in राष्ट्रिय