विश्व स्वास्थ्य संगठन स्वास्थ्य सामग्री ग्वाहालि याइगु
लहानान्युज | कछलाथ्व द्धादशी ११४१,जेष्ठ ९ आईतवाः
कोरोना भाइरस (कोभिड–१९) या संक्रमण अप्वोया वंगु कारण आः समस्या दुगुलि दक्षिण–पूर्वी एसियाली देशय् ३४० मेट्रिक टन स्वया अप्वो स्वास्थ्य सामग्री लल्हायगु धका विश्व स्वास्थ्य संगठन (डब्ल्यूएचओ) न धागु दु ।
आः वइगु वाः दुने नेपाल, भुटान, माल्दिभ्स व श्रीलंका लगायतया देशय् आवश्यक स्वास्थ्य सामग्री छ्वयेगु डब्ल्यूएचओ न धागु दु।
डब्ल्यूएचओ न अक्सिजन कन्सन्ट्रेटर, टेस्टिङ किट्स, अस्पतालया बेड, टेन्ट व पीपीई छ्वया हयेत्यंगु खः।
वंगु वाःय् कोरोनापाखे समस्या दुपि भारतय् छ्वया हयेत्यंगु स्वास्थ्य सामग्री आःतक थीथी २६ राज्यय् थ्यंगु दु।
वंगु साता प्यद्धः अक्सिजन कन्सन्ट्रेटर, १२० टेन्ट, ४०० मेडिकल बेड, १२ लाख रेस्पिरेटर मास्क व ६ लाख ५० हजार स्याम्पिलिङ किट्स भारत छ्वयत्यंगु खः।
आःतक डब्ल्यूएचओ न बंगलादेशय् ६० मेट्रिक टनया स्वास्थ्य सामग्री छ्वःगु खः।
Categorized in अन्तर्राष्ट्रिय
