२०८० चैत्र १६, शुक्रबार

यलय् सेनिटाइजर उद्योगय् थौं प्रहरी छापा मारे यात

लहानान्युज | कछलाथ्व द्धादशी ११४१,जेष्ठ ९ आईतवाः

यलया महालक्ष्मी नगरपालिका–४ या शीतलहाइटय् सञ्चालित छगु सेनिटाइजर उद्योगय् थौं प्रहरी छापा मारे यागु दु।

मनू तयेगु स्वास्थ्यय् हानि याइगु रसायन प्रयोग याइगु सेनिटाइजर उत्पादन याइगु पर्सा नेपाल इन्डस्ट्रिज प्रालिइ छापा मारे यासे ललितपुरया सहायक प्रमुख जिल्ला अधिकारी ललितकुमार बस्नेतं जानकारी बिगु दु। वयकःया कथं उद्योगं उत्पादन यागु सेनिटाइजरय् मिथानोल अल्कोहल नांया रसायन यक्को प्रयोग जुगु दु धका धागु दु।

प्लस ७५ प्रतिशत नांया सेनिटाइजर उत्पादन याना बजारय् मिया च्वंगुलि उगु उद्योगय् छापा मारे यानागु धका धागु दु। वयकःया कथं उगु उद्योगं उत्पादन यागु सेनिटाइजर मनूत तयेगु  स्वास्थ्यया लागि हानिकारक विषादी मिथानोल अल्कोहल दुगु आशंकां औषधी व्यवस्था विभागया ल्याबय् परीक्षण यागु खः। परीक्षणया झ्वलय् प्रयोग याये मज्यू रिपोर्ट वयेवं छापा मारे यानागु धक धागु खः।

सहायक प्रजिअ बस्नेतया कथं उगु कम्पनी गन न दर्ता जुगु मदु धका धागु दु।

Categorized in अपराध