साहित्यकार डा. बानिरा गिरी ७५ दँय् म्हिगः आइतवाः चान्ह्यः मन्त ।

हृदयघातया कारण येँया बानेश्वरय् च्वंगु सिभिल अस्पतालय् म्हि चान्ह्यः १० बजे गिरी मदुगु धका परिवारपाखे धागु दु। मदुम्ह गिरी स्वदँ निसे अल्जाइमर्सपाखे पीडितम्ह खः।

वयकः नेपाली साहित्यय् विद्यावारिधियाम्ह न्हापाम्ह मिसाम्ह खः । डा. गिरीया ‘एउटा एउटा ज्यूँदो जंगबहादुर’ व ‘जीवनथाय् मरु’ कवितासंग्रह नाप स्वंगू उपन्यास ‘निर्बन्ध’, ‘कारागार’, व ‘शब्दातीत शान्तन’ प्रकाशित जूइ धुकुगु दु।

‘शब्दातीत शान्तन’ न वयकलं २०५६ सालय् साझा पुरस्कार कयादीगु खः। डा. गिरीया जहाना नाप छम्ह काय् व छम्ह म्ह्याय् दु।

Categorized in राष्ट्रिय