कोरोना संक्रमणं वीरगञ्जय् थप न्याम्ह सी धुकुगु दु ।

वीरगञ्जया नारायणी अस्पतालय् उपचार याना च्वपि न्याम्ह कोरोना संक्रमितपि मदुगु खः ।

मदुपि पर्सा व बाराया निम्ह निम्ह व सर्लाहीइ च्वम्ह छम्ह मदुगु खः। वीरगञ्ज–३२ चोर्नीया ३५ दँ दुम्ह मिजंम्ह कोरोना संक्रमणं मदुगु खः । वैशाख ३ गते अस्पताल भर्ना जूम्ह उगु हे दि एन्टिजेन परीक्षण रिपोर्ट पोजेटिभ वंगु खः। कोभिड निमोनियां ग्रसि जूम्ह वयागु उपचारया झ्वलय् थौं सोमवाः सुथय् ५ बजे मदुगु खः। नारायणी अस्पतालय् हे पर्साया बिन्दबासिनी गाउँपालिका– २ बहुअर्वाभाठाया ७० दँ दुम्ह मिजं मदुगु दु ।

जेठ ६ गते पीसीआर परीक्षण यागु इलय् कोरोना संक्रमण पुष्टि जूगु खः। बाराया कलैया उपमहानगरपालिका– ३ गंगापुर च्वम्ह ६० दँ दुम्ह मिजंम्ह वैशाख ३० गते यागुलि पीसीआर परीक्षण रिपोर्ट पोजेटिभ वंगु खः। कोभिड निमोनिया ग्रसित जुम्ह थौं सुथय् १० बजे मदुगु खः।

बारा जिल्ला छेँ दुम्ह ४० दँ दुम्ह मिजंम्ह कोरोना संक्रमणया कारण मदुगु खः । बैशाख २७ गते पीसीआर परीक्षणय् कोरोना संक्रमण पुष्टि जुगु खः । सर्लाहीया सोल्टीबजारय् ५२ दँ दुम्ह मिजंम्ह कोरोना सक्रमण जुया जेठ ३ गते भर्ना जुगु खः। थौं सुथय् ६ः४५ बजे मदुगु धका नारायणी अस्पतालं धागु दु ।

Categorized in राष्ट्रिय