येँ महानगरपालिकां एन्टिजेन परीक्षण ५०द्व थ्यंकिगू
लहानान्युज | कछलाथ्व त्रयोदशी ११४१,जेष्ठ १० सोमवाः
येँ महानगरपालिकां न्यान्हूया दिनय् ५०द्वः मनुतय्गु एन्टिजेन परीक्षण याइगु जूगु दु । इपिडिमियोलोजी तथा रोग नियन्त्रण महाशाखा लिसे सहकार्य याना जेठ १४ गतेनिसें परीक्षण ज्याझ्वः न्ह्याकेत्यंगु खः ।
थ्व परीक्षणया नितिं हरेक दिं १०गू वडा केन्द्रपाखें एन्टिजेन विधिं नमूना संकलन याइ । ५न्हूया दुने दक्व वडाया जोखिमपूर्ण थाय्या परीक्षण क्वचाय्केगु नं धाःगु दु । जनस्वास्थ्य विभागया प्रमुख हरिबहादुर कुँवरया कथं, ‘समुदायय् शंकास्पद संक्रमणया अवस्था सीकेत हे एन्टिजेन परीक्षण यायेगु योजना दयेकागु खः ।’ परीक्षणया रिपोर्ट थथें वइगु नं वय्कलं धयादिल । थुगु परीक्षणं पोजेटिभ खनेदुपिं ल्वगिपिन्त हाकनं परीक्षण याना आइसोलेसनया माध्यमं समुदायपाखें तापाका यंकिइ ।
संक्रमण म्हो यायेगु, रोकथाम व कजय् कायेत बैशाख १४ गतेया कार्यपालिकाया निर्णय व बैशाख २३ गते स्वास्थ्य विज्ञपिंलिसे च्वंगु मुँज्यां याःगु निर्णयया लिधँसाय् वृहत एन्टिजेन परीक्षण यायेगु क्वछिउगु खः ।
परीक्षणया लागि वडाय् दूगु केस इन्भेष्टिगेसन एण्ड कन्ट््याक्ट टे«सिङ् (सीआइसीटी) पुचःयात सक्रिय याई । महानगरया कोविड–१९ फोकल पर्सन ज्ञानबहादुर ओली धयादिल, ‘माःकथंया अप्वः जनशक्ति परिचालन यानासां थ्वः ज्याझ्वः न्ह्याई ।’
कोविडया लक्षण खनेदूगु, कन्ट््याक्ट ट्रेसिङय् लाःपिं, न्ह्यलुवा जुया ज्याः यानाच्वंपिं, निषेधाज्ञाया ईलय् ज्याः यानाच्वंपिं व जोखिमय् लानाच्वंपिं दक्व लक्षित बर्गपिन्त परीक्षणय् ब्वतिया नितिं इनाप नं याःगु दु ।
थुगु एन्टिजोन परीक्षणया नितिं तःधंगु १५गू वडाय् म्होति नं निगू केन्द्र तया परीक्षण याई । अथेहे १७गू चीधंगु वडाय् १÷१गू केन्द्रपाखें परीक्षण यायेगु महानगरपालिकाया योजना दु । अझ परीक्षण अप्वेकेमाल धाःसा मेगु केन्द्र नं थपू यायेफइगु विभागं न्ह्यथंगु दु । परीक्षण टोलीं छन्हू हे निगू केन्द्रय् परीक्षण याइगु नं धाःगु दु । उगु एन्टिजेन परीक्षण ज्याझ्वः न्ह्याकेत जिल्ला स्वास्थ्य ज्याकुलिसे सहकार्य याना न्ह्याकिइगु नं विभागं धाल ।
थ्वसिबेंन्ह्यः कालिमाटी तरकारी व फलपूmल बजाः व टुकुचा तरकारी बजाः यना निगू थासय् थुजागु परीक्षण न्ह्याकेधुंकूगु दु ।
Categorized in राष्ट्रिय
