जसपाया अध्यक्ष ठाकुरं मेम्ह अध्यक्ष यादवयात स्पष्टीकरण न्यन
लहानान्युज | कछलाथ्व पुन्ही ११४१,जेष्ठ १२ बुधवाः
जनता समाजवादी पार्टीया अध्यक्ष महन्थ ठाकुरं मेम्ह अध्यक्ष उपेन्द्र यादवयात स्पष्टीकरण न्यंगू दु।
लिपागु राजनीतिक घटनाक्रमपाखे निगु कित्ताय् दनाच्वम्ह जसपाया अध्यक्ष ठाकुरं पार्टीया निर्णय विपरीत ज्या यागु धका यादवयात अनुशासनया कारबाहीे व्यवस्था कथं स्पष्टीकरण न्यंगू खः।
मंगलवाः न्यंगु ७ बुँदा स्पष्टीकरणय् लुम्बिनी प्रदेशय् प्यम्ह प्रदेशसभा सदस्यपिन्त निष्काशन यागु, विपक्षी काँग्रेस व माओवादीनाप मिले जुया सर्वाेच्च अदालतय् संसद पुनर्स्थापनाया माग यासे रिट दायर यागुलि उगु स्पष्टीकरण न्यंगू खः।
पार्टीया विधान यागु दफा ४९ कथं अनुसासनया कारबाही सम्बन्धी व्यवस्था कथं उगु स्पष्टीकरणया लिसः स्वन्हुया दुने पार्टी कार्यालय छ्वया हयेत धागु दु।
