वरिष्ठ गायक स्वयम्भूराज शाक्य ६४ दँय् मन्त ।

वंगु वैशाख २६ गतेनिसे वयकः विपि स्मृति अस्पतालय् उपचार यानाच्वनादीगु खः। कोरोना संक्रमणया कारण उपचारया लागि अस्पताल भर्ना जुयादीम्ह शाक्यं लिपागु इलय् पीसीआर नेगेटिभ वंगु धका वयकःया परिवारपाखे जानकारी बिगु खः।

न्हुगु न्हुगु शैली व सृजनाय् तल्लीन वरिष्ठ गायक शाक्य थःगु त्वालय् ग्वसाः ग्वंगु एकल साँझया सफलता लिपा मेगु एकल प्रस्तुतिया योजना दुगु खः । रेकर्डिङ सहज व सुलभ मजुगु इलय् छगु कोठाय् वाद्यवादक नाप गायक÷गायिका व मेगु कोठाय् प्रविधि व प्राविधिकया नाप ३ दशक न्ह्यः नेपालभाषाया ‘मतिना’ रेकर्ड यागु खः ।

नेपालया सांगीतिक विकासय् ईल्वहंया रुपय् थुगु म्येया गीति संग्रहया संग्रहित वयकः दक्को म्ये आः न लुमकूगु दनिइ।  सांस्कृतिक संस्थानपाखे सेवानिवृत वरिष्ठ गायक शाक्य रेडियो नेपालया विशिष्ट श्रेणीया गायक जुयादीम्ह खः ।

थीथी पुरस्कार व सम्मानपाखे सम्मानित जुयादीम्ह शाक्यं तिब्बत, श्रीलंका, बंगलादेश, साउदी अरेबिया, जापान, हङकङ, बैंङ्ककय् सांगीतिक प्रस्तुति बियादीइ धुकुगु दु।

न्यागु गीति संग्रह नाप २५० स्वया अप्वो म्ये हालादीइ धकुम्ह वरिष्ठ गायक शाक्यं प्यंगु एकल शो तक यानादी धुकुगु दु।

Categorized in राष्ट्रिय