प्रतिनिधिसभा विघटन विरुद्धया रिट सुनुवाइया लागि प्रधानन्यायाधीश चोलेन्द्र शमसेर जबराया नेतृत्वय संवैधानिक इजलास गठन जुगु दु।

उगु संवैधानिक इजलासय् न्यायाधीशपि दीपककुमार कार्की, आनन्दमोहन भट्टराई, तेजबहादुर केसी व बमकुमार श्रेष्ठपि खः।

सर्वाेच्च अदालतया प्रवक्ता भद्रकाली पोखरेलया कथं शुक्रवाः निसे हे इजलासय् रिटबारे सुनुवाइ यायेगु तयारी दु।

सरकारया सिफारिसय् वंगु शुक्रवाः राष्ट्रपति विद्यादेवी भण्डारीं यागु संसद विघटन विरुद्धया दक्को मुद्दा संवैधानिक इजलासं स्वयेगु निर्णय बिहीवाः सर्वोच्च अदालतं यागु खः ।

Categorized in राष्ट्रिय