वंगु २४ घण्टाया दुने देयन्यक ५ हजार २८५ म्हेसित कोरोना संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं थौं मंगलवाः बिगु जानकारी कथं थीथी जिल्लाय् १७ हजार १४७ म्हेसिगु पीसीआर परीक्षणय् ५ हजार २८५ म्हेसित कोरोना पुष्टि जुगु दु।

थ्व नाप अःतक नेपालय् कोरोना संक्रमितपि ५ लाख ६६ हजार ५८७ म्ह थ्यंगु दु। अथेहे, २४ घण्टाय् ६ हजार ८९८ म्ह कोरोना संक्रमणमुक्त जुगु दु ।

थ्व नाप कोरोना संक्रमण जुया कोरोनामुक्त जुपि ४ लाख ५४ हजार ३४४ म्ह थ्यंगु दु। नेपालय् सक्रिय संक्रमितपि १ लाख ४ हजार ७८९ म्ह थ्यंगु दु।

क्वारेन्टाइनय् ७२५ म्ह थ्यंगु दु। स्वास्थ्य तथा जनसंख्या मन्त्रालयं बिगु जानकारी कथं देयन्यक थप ६८ म्ह सीगु दु। थ्व नाप नेपालय् कोरोना सीपि ७ हजार ४५४ म्ह थ्यंगु दु।

Categorized in राष्ट्रिय