नेकपा एमालेया स्थायी कमिटी बैठक थौं सःतूगु दु। न्हिनया ४ बजे बैठक सःतुगु दु धका स्थायी कमिटी सदस्य सुवास नेम्वाङं धागु दु।

म्हिगः मंगलवा न स्थायी कमिटीया बैठक च्वंगु खः। उगु बैठकं एमालेया एकता फयाफतले यायेगु कथं निर्णय यागु दु धका धागु दु।

एमालेया विवाद तच्वंगुलि अध्यक्ष केपी शर्मा ओलीं १० जेठय् बरिष्ठ नेता माधवकुमार नेपाल नाप झीछम्हेसित निस्कासन यागु खः । थप १२ म्हेसित उगु हे दिं २४ घण्टे स्पष्टिकरण न्यंगु खः 

तर मंगलवाःया बैठकं थुकि बारे छु न निर्णय मयानि। ७ जेठय् नेपाली काँग्रेसया सभापति शेरबहादुर देउवायात प्रधानमन्त्री दयकेत नेता नेपाल समूहया २६ म्ह सांसदपिन्स हस्ताक्षर यागु खः।

संविधानया धारा ७६ (५) कथं देउवायात प्रधानमन्त्री प्रस्ताव यासे हस्ताक्षर यागुलि एमाले सांसदपि ओलीं कारबाही प्रक्रिया न्ह्यने यकूगु खः। २३ मध्ये स्वम्हसिया थःपिनिगु निर्णयपाखे लिचिगुलि उपिन्त स्पष्टिकरण न्यंगु मदुनि ।

Categorized in राजनीति