लिपागु २४ घण्टाया दुने भारतय् कोरोना भाइरस (कोभिड–१९) या संक्रमणं ३ हजार २०७ म्ह सीगु दु।

भारतया स्वास्थ्य तथा परिवार कल्याण मन्त्रालय कथंउगु हे इलय् कोरोना सक्रमणं १ लाख ३२ हजार स्वया अप्वो न्हुपि संक्रमित थपे जुगु दु।

थ्व नाप आःतक भारतय् कोरोना संक्रमितपि २ करोड ८३ लाख ७ हजार स्वया अप्वो थ्यंगु दु। आःतक कोरोना संक्रमणया कारण ३ लाख ३५ हजार १०२ म्ह सी धुकुगु दु।

२४ घण्टाय् तामिलनाडुइ २६ हजार स्वया अप्वो न्हुपि संक्रमितपि थपे जुगु दु सा केरलाय् १९ हजार स्वया अप्वो न्हुपि संक्रमितपि थपे जुगु दु। महाराष्ट्र व कर्नाटकय् न्हुपि संक्रमितपि १४ हजार स्वया प्वो थ्यंगु दु।

Categorized in अन्तर्राष्ट्रिय