शुक्र ग्रहय् नासां निगु मिसन सञ्चालन याइगु
लहानान्युज | कछलागा अष्टमी ११४१,जेष्ठ २० बिहीवाः
![](https://www.lahananews.com/sites/default/files/sukra-graha.jpeg)
सौर्यमण्डलय् दकलय् क्वागू ग्रह धका म्हसिगु शुक्र ग्रहय् अमेरिकी अन्तरिक्ष संस्था नासां निगु मिसन सञ्चालन यायेगु घोषणा यागु दु।
सन् २०२८ व २०३० या दथुइ उगु मिसन सञ्चालन यायेगु नासाया योजना दु। न्हापागु मिसनया नां ‘डाभिन्सी प्लस’ व निगुगु मिसनयात ‘भेरिटास’ नां बिगु दु।
थुगु निगुलि हे मिसनया लागि ५०÷५० करोड डलर बजेट छुटे यागु दु धका नासां धागु दु। पृथ्वीया न्ह्यः हे छाय् थुलि क्वागु धका पत्ता लगे यायेगु कथं अन्तरिक्ष मिसन सञ्चालन यायेत्यंनागु धका नासाया प्रशासक बिल नेल्सनं धागु दु।
शुक्र ग्रहया सतह यागु तापक्रम ५ सय डिग्री सेल्सियस दु धका वैज्ञानिकपिन्स धागु दु।
Categorized in अन्तर्राष्ट्रिय