२०८० चैत्र १६, शुक्रबार

स्वास्थ्य सामग्री हाकू बजाःयापि ३७ म्हेसित प्रहरीं ज्वन

लहानान्युज | कछलागा अष्टमी ११४१,जेष्ठ २० बिहीवाः

कोरोनाया नामय् स्वास्थ्य सामग्रीलगायत मेमेगु अत्यावश्यक सामग्री हाकू बजाःयापि ३७ म्हेसित प्रहरीं ज्वंगु दु।

कोरोना महामारीया लच्छि लिपा देयन्यकं प्रहरी न अक्सिजन सिलिन्डर, ह्यान्ड स्यानिटाइजर, अक्सिमिटर, मास्क, पञ्जा, रेम्डेसिभिर लगायतया स्वास्थ्य सामग्री हाकू बजाःयापि ३७ म्हेसित ज्वंगु खः।

उगु इलय् ज्वपि ३७ म्ह मध्ये १२ म्ह अक्सिमिटर, च्याम्ह पीसीआर परीक्षणया नक्कली प्रतिवेदन दयकूपि, प्यम्ह ह्यान्ड स्यानिटाइजर, स्वम्ह अक्सिजन सिलिन्डर हाकू बजाःयापि व निम्ह रिमडेसिभिर अप्वो भाः कया बिक्री यापि खः।

ज्वपिन्त सामाजिक अपराध ऐन, २०३२ अन्तर्गतया कसुरय् मुद्दा चले याइ धका प्रहरी प्रवक्ता नाप एसएसपी वसन्तबहादुर कुँवरं जानकारी बिगु दु।

Categorized in अपराध