नेकपा एमालें अनधिकृत बैठकय् सहभागी मजूइत इनापयात
लहानान्युज | कछलागा अष्टमी ११४१,जेष्ठ २० बिहीवाः
नेकपा एमालेया संस्थापन पक्षं खनाल–नेपाल समूह न सःतूगु बैठकय् सहभागी मजूइत इनाप यागु दु।
केन्द्रीय कार्यालय सचिव शेरबहादुर तामाङं छगु विज्ञप्ति पिकया खनाल–नेपाल समूह न सःतूगु केन्द्रीय कमिटी बैठकय् सहभागी मजुइत इनाप यागु दु।
अध्यक्ष यागु परामर्शय् महासचिवं बैठक सःत्येगु नेकपा एमालेया वैधानिक व्यवस्था दुगुलि पार्टीया विधान विपरीत सःतूगु बैठकय् सहभागी मजुइत इनाप यागु दु ।
पार्टी न कारबाही यापि अनधिकृत मनूतयसं नेकपा एमालेया केन्द्रीय कमिटी बैठक सःतुगु धका सूचना वंगुलि व अज्यागु क्रियाकलापय् थःपिन्स निन्दा यायेगु धका सचिव तामाङं छगु विज्ञप्तिइ धागु दु।
Categorized in राजनीति