वाःया लिपागु कारोबारया दिं थौं बिहीवाः सेयर बजारय् न्हुगु रेकर्ड कायम जुगु दु।

सेयर कारोबार मापक नेप्से परिसूचक तसकं थहावंगु दु । थुगु ल्याखं आःतक सेयर बजारय् न्हुगु रेकर्ड कायम जुगु खः।

थौं २९ दशमलव ५५ अंकं थहावना २ हजार ८५६ दशमलव ७७ अंकय् थ्यंगु दु। वंगु आइतवाः नेप्से परिसूचक २ हजार ८२७ दशमलव ९३ अंक थ्यना न्हुगु रेकर्ड कायम जुगु दु।

आइतवाःया रेकर्ड त्वथला नेप्से परिसूचक आःतक हे दकलय् अप्वो विन्दुइ थ्यंगु खः। नेप्से परिसूचक नाप कारोबार रकम त थहावंगु दु।

बिहीवाः १६ अर्ब ९० करोड रुपैयाँ स्वया अप्वो कारोबार जुगु दु।

Categorized in राष्ट्रिय