सर्वोच्च अदालतया फुलकोर्ट अथे धइगु दक्को न्यायाधीशपि च्वंगु दु।

कोरोना संक्रमणया कारण प्रभावित जुगुलि अदालतया सेवाबारे छलफल यायेत थौं शुक्रवाः बैठक सःतुगु दु। कोरोना भाइरसया असरया कारण सेवा प्रवाहय् जुगु संकुचन व विविध विषय छलफल यायेगु एजेण्डा तया उगु बैठक च्वनेत्यंगु दु धका सर्वोच्च अदालतया सूचना अधिकारीं धागु दु।

थ्व स्वया न्ह्यः प्रधानन्यायाधीश चोलेन्द्र शमसेर जबरां संवैधानिक इजलास वरिष्ठताया आधारय् गठन जुइ धका धागु दु। संसद विघटनविरुद्ध जुगु रिटया सुनुवाइ यायेत गठित संवैधानिक इजलासय् न्ह्यसः वंगुलि प्रधानन्यायाधीश जबरां वरिष्ठताया आधारय् इजलास गठन यायेगु प्रतिबद्धता क्यंगु खः।

उकिया पूर्वतयारीया लागि धासे संसद विघटनविरुद्धया रिट सुनुवाइ आइतवाः तक लागि स्थगित यागु खः।

Categorized in राष्ट्रिय