२०८० चैत्र १६, शुक्रबार

लागु वासः नाप प्रहरी न्ह्यम्हेसित ज्वन

लहानान्युज | कछलागा एकादशी ११४१,जेष्ठ २३ आईतवाः

प्रहरीं लागु वासः नाप कैलाली व कञ्चनपुरय् न्ह्यम्हेसित ज्वंगु दु। कञ्चनपुरय् न्याम्ह व कैलालीइ निम्हेसित लागु वासः नाप ज्वनागु दु धका प्रहरीं धागु दु।

जिल्ला प्रहरी कार्यालय कञ्चनपुरया प्रवक्ता प्रहरी नायब उपरीक्षक (डीएसपी) अमरबहादुर थापां विशेष सूचंया आधार ज्वनागु खः धका धागु दु। दोधाराचाँदनी नगरपालिका–१ पाखे भारतया उत्तराखण्ड राज्य जिल्ला चम्फावत ग्राम भजनपुरया २१ दँ दुम्ह अमन चन्दयात ११.८७ ग्राम खैरो हिरोइन नाप ज्वंगु खः।

दोधाराचाँदनी नगरपालिका–६ या १८ दँ दुम्ह आदीप मगर व उगु हे थासय् १८ दँ दुम्ह सार्थक शर्मायात ६० मिलिग्राम खैरो हिरोइन नाप ज्वंगु खः। पुनर्वास नगरपालिका–६ ‘ङ’ गाउँया २३ दँ दुम्ह मनोज सुनार व कैलालीे गोदावरी नगरपालिका–४ च्वम्ह २३ दँ दुम्ह तेज विकयात न प्रहरी ज्वंगु खः। कैलाली प्रहरीं भजनी नगरपालिकापाखे लागू वासः नाप निम्हेसित प्रहरी ज्वंगु खः।

जिल्ला प्रहरी कार्यालयया प्रवक्ता प्रहरी नायब उपरीक्षक प्रतीक बिष्टं ३० ग्राम खैरो हिरोइन नाप बर्दगोरिया गाउँपालिका १ या २५ दँ दुम्ह धिरेन्द्र बम व उगु हे थासय् च्वम्ह २४ दँ दुम्ह डबल भुलयात न ज्वनागु दु धका जानकारी बिगु खः।

Categorized in अपराध