जनता समाजवादी पार्टी (जसपा) न प्रदेश २ या संसदीय दलया नेताय् लालबाबु राउतयात ल्यःगु दु। राउत आः न प्रदेश २ या मुख्यमन्त्री जुयादीम्ह खः।

तत्कालीन समाजवादी पार्टी व राष्ट्रिय जनता पार्टी (राजपा) या दथुइ एकीकरण जुइवं प्रदेशय् निगु हे दलया संसदीय नेता जुयादीगु खः।

तर, एकीकरण जुइवं पार्टीया आन्तरिक विवाद जुगुलि संसदीय दलया नेताय् पूर्व समाजवादी पार्टीपाखे राउतयात ल्यःगु खः।

जसपाया जम्मा ५५ म्ह सांसदपि मध्ये राउतया समर्थनय् ३६ म्हेसिया हस्ताक्षर यागु खः। पूर्व समाजवादीया ३० म्ह व पूर्व राजपाया २५ म्ह सांसदपि दुगुलि राउतयात पूर्व राजपाया खुम्ह सांसदपिन्स तक समर्थन दु धका पूर्व समाजवादीया छम्ह सांसदं धागु दु।

जसपापाखे पूर्व राजपा खेमाया नेतापि च्याम्ह मन्त्रालय नाप संघीय सरकारय् वंगुलि पूर्व समाजवादी पक्ष प्रदेशय् सत्ता हिलेत्यंगु धका धागु दु। अथेहे दलया नेताय् राउतयात ल्यंगु खः।

Categorized in राजनीति