प्रदेश–२ या छम्ह मन्त्री व स्वम्ह राज्यमन्त्री पदमुक्त जुगु दु। मुख्यमन्त्री लालबाबु राउतं जनता समाजवादी पार्टी (जसपा) या महन्थ ठाकुर पक्षया मन्त्री व राज्यमन्त्रीयात हटे यागु दु।

जसपा संसदीय दलया बहुमत सदस्यं दल नेताय् चयन यागु हे दिं मुख्यमन्त्री राउतं भौतिक पूर्वाधार विकासमन्त्री जितेन्द्र सोनल, भौतिक पूर्वाधार विकास राज्यमन्त्री डिम्पलकुमारी झा, उद्योग पर्यटन, वन तथा वातावरण राज्यमन्त्री सुरेश मण्डल व सामाजिक विकास राज्यमन्त्री अभिराम शर्मायात हटे यागु दु।  पार्टी दुने विवाद जुयाच्वंगु इलय् केन्द्रय् महन्थ ठाकुर समूह राजेन्द्र महतोया नेतृत्वय् सरकार वनेवं थुकिया प्रदेश–२ य् खनेदुगु दु।

महन्थ ठाकुर पक्ष केन्द्र सरकारं सहभागी जुगुलि जसपाया मेम्ह अध्यक्ष उपेन्द्र यादव जनकपुर वःगु खः। वया लिपा हे संसदीय दलया बैठकं मुख्यमन्त्री राउतयात प्रदेश संसदीय दलया नेता ल्यंगु खः। राउतयात जसपाया ५५ सांसद मध्ये ३६ म्हेसिया साथ बिगु खः। आः प्रदेश–२ सरकारय नेपाली कांग्रेस व माओवादी केन्द्रयात न सहभागी याकेगु धका जसपा अध्यक्ष उपेन्द्र यादवं तयारी यागु दु ।

थुकिया बारे शीर्ष नेतापि सहमति जुइ धुकुगु धका नेतापन्स धागु दु। प्रदेश–२ य् आः कायम दुपि १०४ म्ह सांसद मध्ये जसपाया ३६ म्ह सांसद राउतया पक्षय् दु। कांग्रेसका १९ माओवादीया च्याम्ह सांसदपि दु।

Categorized in राजनीति