भारतय् म्हिगः आइतवाः १ लाख १४ हजार ४६० म्हेसित कोरोना संक्रमितपि थपे जुगु दु।

निक्वःगु लहरया कोरोना संक्रमण फैलै जुया च्वंगु इलय थ्व दकलय् म्हो खः। विश्व स्वास्थ्य संगठनया तथ्यांक कथं भारतय् संक्रमण कम जुया वनाच्वंगु दु। मे ७ य् भारतय् छन्हु हे दकलय् अप्वो ४ लाख १४ हजार १८८ म्ह कोरोना संक्रमित जुगु खः।

भारतय् आःतक २ करोड ८८ लाख ९ हजार ३३९ म्ह कोरोना संक्रमण जुइ धुकुगु दु। अथेहे ३ लाख ४६ हजार ७५९ म्ह संक्रमितपि सी धुकुगु दु।

लिपागु २४ घण्टाय् जक २ हजार ६७७ म्ह कोरोना संक्रमितपि सी धुकुगु दु।

Categorized in अन्तर्राष्ट्रिय