चिनियाँ भेरोसेल खोप कन्ह्यनिसे बिइगु
रसिया श्रेष्ठ | कछलागा द्धादशी ११४१,जेष्ठ २४ सोमवाः
येँ महानगरपालिकां चीन हःगु चिनियाँ भेरोसेल खोपया न्हापागु मात्रा न्यान्हु तक बिइत्यंगु दु।
मंगलवाः निसे सुरु जइगु खोप अभियानय् ६० निसे ६४ दँ दुपिन्त बिइ त्यंगु खः। महानगरपालिकां तयार यागु कार्यतालिका कथं जेठ २५ निसे ६४ दँ तक दुपिन्त जक खोप बिइत्यंगु खः।
२९ गते तक न्ह्याइगु उगु खोप अभियानय् न्हिन्हि बिस्क बिस्क दँ दुपिन्त खोप बिइ त्यंगु खः धका महानगरपालिकां धागु दु।
उगु खोप २६ गते ६३ दँ दुपि, २७ गते ६२ दँ दुपि, २८ गते दँ दुपि व २९ गते ६० दँ दुपिन्त खोप बिइगु धका महानगरपालिकाया शहरी स्वास्थ्य विभाग प्रमुख हरिबहादुर कुँवरं जानकारी बिगु दु।
कुँवरं खोप बिइगु केन्द्र थौं सोमवाः क्वछिइगु जानकारी बिगु दु।अप्वो याना खोप बिइगु थाय् पुलागु हे जुइगु छगु निगु जक थुके उखे जुइ धका धागु दु।
