निषेधाज्ञाया इलय् न्हिनय् पसः चायकूगु आरोपय् प्रहरीं कोटेश्वरय् च्वंगु भाटभटेनी डिपार्टमेन्ट स्टोरया म्यानेजर सागर गुरुङयात ज्वंगु दु।

काठमाडौंया प्रमुख जिल्ला अधिकारी कालीप्रसाद पराजुलीया कथं निषेधाज्ञाया ई सुथय् ९ बजे तक जक डिपार्टमेन्ट स्टोरया ग्रोसरी कक्ष चायकेगु व्यवस्था दुगु खःसा न्हिनय् न चायकूगुलिं गुरुङयात ज्वंगु खः।

न्हिनय् खुला जुगु सूचं वंगुलि काठमाडौया सहायक प्रमुख जिल्ला अधिकारी उमाकान्त अधिकारी नेतृत्वया टोली अनुगमनया लागि कोटेश्वरय् च्वंगु भाटभटेनी डिपार्टमेन्ट स्टोरय् वंगु खः।

Categorized in राष्ट्रिय