प्रदेश २ या प्रदेशसभा बैठकय् विपक्षी दलं अवरुद्ध यागु दु। प्रदेशसभाया बजेट अधिवेशनया निक्वःगु बैठक मंगलवाः विपक्षी दलं अवरुद्ध यागु दु।

विपक्षी नेपाली कांग्रेस, नेकपा एमाले व नेकपा माओवादी केन्द्रं स्थानीय तहय् वने मागु सशर्त अनुदान मनोमानी तरिकां छनौट यागु धासे बैठक अवरुद्व यागु खः।

बैठक प्रारम्भ जुइवं नेकपा एमालेया सांसद सुन्दरबहादुर विकं सांसदया सिफारिस व परामर्शय् सशर्त अनुदान स्थानीय तहय् छ्वय मागुलि मनोमानी तरिकां थःयःथे छ्वगु धका धागु दु। वयकलं थुगु निर्णय मभिंकुतले अवरुद्ध जुइ धका धागु दु।

बैठक सुचारु यायेत सभामुख सरोजकुमार यादवं इनाप यागु खःसा नेकपा एमालया संसदीय दलया नेता शत्रुधन महतो न कम्ती न थुकिया लिसः मुख्यमन्त्रीं मबितले बैठक न्ह्याके मबिइगु धका धागु दु।

विपक्षी दल माने मजुगुलिं सभामुखं १ घण्टाया लागि बैठक स्थगित यागु खः। प्रदेशय् न्हापागु पटक कांग्रेस व माओवादीयात न सरकारय् यकेगु तयारी यागु खः। तर सशर्त अनुदानया योजनायात कया विवाद खनेदुगु खः।

Categorized in राजनीति