वीर अस्पतालय् मंगलवाःनिसे जनरल ओपीडी सेवा हाकनं सुरु यागु दु। कोभिड–१९ या निगुगु लहरया संक्रमण अप्वो वंगुलि थुगु सेवा बन्द यागु खः।

वीर अस्पतालय् भर्ना जुपि दक्को कोभिड संक्रमितपिन्त थुुगु वाःया दुने न्हुगु सर्जिकल भवनय् सारे याना उपचार यायेगु धका अस्पतालया प्रमुख कार्यकारी अधिकारी डा. जागेश्वर गौतमं धागु दु। वीर व राष्ट्रिय ट्रमा सेन्टर निगुलि हे नियमित सेवा थुगु वाःया दुने सुरु यायेगु अस्पताल प्रशासनया योजना दु।

आः वीरय् १५३ व ट्रमा सेन्टरय् ४० म्ह कोभिड संक्रमितपिनिगु उपचार जुयाच्वंगु दु। वीर अस्पतालया पलांगु भवनय् १५ आईसीयू सञ्चालन जुयाच्वंगु दु सा न्हुगु भवनय् १८ आईसीयू सञ्चालन यायेगु तयारी दु।

Categorized in राष्ट्रिय