गण्डकी प्रदेशया प्रदेश सभा बैठक सुरु जुगु दु। उगु बैठकय् मुख्यमन्त्री पृथ्वीसुब्बा गुरुङं विश्वासया मत काइगु ज्याझ्वः दु।

थः विरुद्ध अविश्वासया प्रस्ताव दर्ता जुगुलि मतदान यायेगु स्वया छन्हु न्ह्यः मुख्यमन्त्री पदपाखे राजीनामा बिया प्रदेश सभाया तधःगु दलया नेता हैसियतं वैशाख २९ य् मुख्यमन्त्रीया शपथ कया गुरुङं विश्वासया मत कायत्यंगु खः।

वयकलं वंगु २५ गते विश्वासया मत कायेगु प्रस्ताव संसद सचिवालय दर्ता यागु खः।

६०म्ह प्रदेश सभा सदस्य दुगुलि गण्डकीया मुख्यमन्त्रीं विश्वासया मत कायेत ३१ म्ह सांसद पिनिगु समर्थन माः। गण्डकीइ एमालेया २७म्ह, कांग्रेसया १५म्ह, माओवादी केन्द्रया सभामुख नाप १२म्ह, जसपाया निम्ह व राष्ट्रिय जनमोर्चाया स्वम्ह नाप छम्ह स्वतन्त्र सांसद दु।

Categorized in राजनीति