बागमती प्रदेश सभाया बैठकय् नेपाली कांग्रेसया प्रदेश सभा सदस्य नरोत्तम बैद्यं संसदीय मर्यादा विपरीत अभिव्यक्ति बिगु धासे सत्ता पक्षया सांसदपिन्स हदै तक कारवाही यायेत माग यागु दु।

उगु बैठकय् सांसद वैद्यं सांसद देशया कार्यकारी प्रमुखयात संसदीय मर्यादा तक बिचाः मयासे अभिव्यक्ति बिगु खेदजनक जुगुलि कारवाहीया माग यागु दु। वागमती प्रदेश सासद डा.अजयक्रान्ती शाक्यं देशया प्रधानमन्त्री यागु हत्या यायेत थः तयार दु धका बिगु अभिव्यक्ति क्षमा योग्य मजुगु धका धयादीगु दु।

डा. शाक्यं धयादीगु दु, ‘महात्मा गान्धीया हत्यारा नाथुराम विनायक गोड्सेया उदाहरण बिया बैद्य देशया प्रधानमन्त्रीया हत्या यायेत तयार दु धका बिगु अभिव्यक्ति क्षमा याये योग्य मजू। बैद्ययात हदै तक कारबाही यायेत माग याये।’ प्रदेशसभाय् प्रस्तुत जुगु नीति तथा कार्यक्रम बारे बहस यायेगु झ्वलय् वैद्यं देशया कार्यकारी प्रमुख हे हत्या यायेगु अभिव्यक्ति बिगु अराजकताया पराकाष्ठा जुगु धका सांसद पिन्स धाःगु दु।

Categorized in राष्ट्रिय