वंगु २४ घण्टाया दुने ६ हजार २९५ म्ह कोरोना संक्रमणमुक्त जुगु दु।

थ्व नाप कोरोना संक्रमणमुक्त जुपि ५ लाख २७ हजार १११ म्ह थ्यंगु दु। स्वास्थ्य तथा जनसंख्या मन्त्रालयया कथं थीथी जिल्लाय् ८ हजार ५०६ पीसीआर परीक्षणय् २ हजार ३८२ म्हेसित कोरोना पुष्टि जुगु दु। अथेहे, ५ हजार ९८८ एन्टिजेन परीक्षणय् १ हजार २ म्हेसित कोरोना संक्रमण खनेदुगु खः।

पीसीआर व एन्टिजेन परीक्षणं ३ हजार ३८४ म्हेसित संक्रमण पुष्टि जुगु दु धका मन्त्रालयं धागु दु। थ्व नाप नेपालय् पीसीआर परीक्षणं कोरोना खनेदुपि ६ लाख ६ हजार ७७८ म्ह थ्यंगु दु। मन्त्रालयं बिगु जानकारी कथं देयन्यक थप ६१ म्ह सीगु दु।

थ्व नाप आःतक नेपालय् कोरोनां सीपि संख्या ८ हजार ३६६ म्ह थ्यंगु दु।

Categorized in राष्ट्रिय