२०८० चैत्र १५, बिहिबार

नेपाली कांग्रेसं १४ क्वःगु महाधिवेशन साउन ६ गते

लहानान्युज | बछलाथ्व द्धितीया ११४१,जेष्ठ २९ सनिवाः

नेपाली कांग्रेसं पार्टीया १४ क्वःगु महाधिवेशन गुन्हु लिछागु दु। वडा अधिवेशन धासा साउन ६ निसे सुरु याइगु महामन्त्रीया प्रस्ताव दु।

थौं शनिवाः च्वंगु कांग्रेस पदाधिकारी व पूर्व पदाधिकारीपिनिगु बैठकय् सभापति शेरबहादुर देउवां महाधिवेशन याना त्वतेगु धका धागु दु।

तर पूर्वनिर्धारित तिथि असार ७ निसे वडा तहया अधिवेशन सुरु यायेगु धका महामन्त्रीं कार्यतालिका संशोधन यायेगु प्रस्ताव पेश यागु दु। सहमहामन्त्री डा. प्रकाशशरण महतया कथं क्रियाशील सदस्यता छानविनया म्याद २० असार तक थप यायेगु प्रस्ताव वःगु दु।

थुगु इलय् बाँकी दुपि क्रियाशील सदस्यता वितरण व नवीकरणया छानविन यायेगु प्रस्ताव तःगु खः। उकि २४ जेठ दुने केन्द्रीय कार्यसमितिपाखे अनुमोदन यायेगु व साउन ६ पाखे वडा तहया अधिवेशन यायेगु प्रस्तावय् उल्लेख दु।

केन्द्रीय महाधिवेशन धाःसा भदौ १६ निसे १९ गते तक यायेगु महामन्त्रीया प्रस्ताव द धका सहमहामन्त्री महतं धागु दु। थ्व स्वया न्ह्यः महाधिवेशनया मिति भदौ ७ निसे १० गते तक क्वछिगुना तःगु खः।

Categorized in राजनीति