सोमवाः ३ हजार स्वया च्वय् थ्यंगु सेयर कारोबार मापक नेप्से परिसूचक थौं बुधवाः ३ हजार स्वया क्वहावःगु दु।

बुधवा प्रिओपन सेसनय् ३२ अंक क्वहावया नेप्से परिसूचक कारोबार खुला जुइवं हे क्वहावःगु दु। बजार बन्द जुगु इलय नेप्से परिसूचक ५२ दशमलव ४१ अंक क्वहा वया २ हजार ९ सय ६९ दशमलव ६९ अंकय् थ्यःगु दु।

आइतावाः २ हजार ९ सय ८३ अंकय् थ्यंगु नेप्से परिसूचक सोमवाः ३ हजार स्या अप्वो थ्यना रेकर्ड कायम जुगु खः। मंगलवाः भचा अंकं ‘करेक्सन’ खनेदुगु परिसूचक ३ हजार स्वया अप्वो थ्यंगु खः।

बुधवाः ३ हजार स्वया क्वहा वःगु खः। नेपाल धितोपत्र बोर्ड न मंगलवाः सूचीकृत कम्पनी मध्ये ५१ कम्पनीया नां हे तोके याना जोखिम युक्त धागुलि उकिया असर सेयर बजारय् खने दुगु खः।

बोर्डय् उल्लेख जुगु अधिकांश कम्पनीया सेयर भाः क्वहा वंगु दु। कारोबार रकम धासा १५ अर्ब ४८ करोड रुपैयाँ स्वया अप्वो जुगु दु।

Categorized in राष्ट्रिय