वाःया लिपागु दिं थौं बिहीवाः कारोबार मापक नेप्से परिसूचक भचा कुहावःगु दु।

बुधवाः ५२ अंक घटे जुगुलि नेप्से परिसूचक थौं बिहीवाः १ दशमलव ३ अंक घटे जुया २ हजार ९ सय ६८ दशमल ४२ अंकय् कुहावःगु दु। नेपाल धितोपत्र बोर्डं जोखिमयुक्त धासे वःगु मंगलवाः ५१ कम्पनीया नां हे तोके याना सूची सार्वजनिक यागु खः।

बोर्डया उगु पला लिप बुधवाः सेयर बजारय् प्रभाव खनेदुगु खः। तर बिहीवाः धासा तधःगु प्रभाव खने मदुगु दु। नेप्सेय् कारोबार जुगु समूहगत सवइन्डेक्स मध्ये खुगु थहावःगु दु। नेप्से परिसूचकय् खासै प्रभाव मदुगु सा कारोबार रकम धासा थहावःगु मदु।

बिहीवाः १० अर्ब ९० करोड ४९ लाख ५८ हजार ९३५ रुपैयाँया सेयर कारोबार जुगु दु।

Categorized in राष्ट्रिय