गण्डकी प्रदेशया मुख्यमन्त्री कृष्णचन्द्र नेपाली पोखरेलं थौं सदनय् विश्वासया मत काइगु जुगु दु।

वंगु शनिवाः गठन जुगु नेपाली कांग्रेसया पोखरेल नेतृत्वय प्यंगु दलीय गठबन्धन सरकारं विश्वासया मत कायत्यंगु खः। थौं सुथय् ११ बजे च्वनिइगु प्रदेशसभा बैठकय् उगु प्रस्तावय् छलफल व मतदान जुइगु कार्यसूची दु धका संसद् सचिवालयं जानकारी बिगु दु।

गण्डकी सरकारया प्रवक्ता कुमार खड्काया कथं  विश्वासया मत कायेगु सूचं प्रदेशसभा सचिवालयय् मंगलवाः हे दर्ता यागु दु। संविधानया धारा १६८ (५) कथं दयकूगु सरकारं उपधारा ६ कथं ३० दिं दुने विश्वासया मत कायेमाःगु संवैधानिक प्रावधान दु।

स्वतन्त्र छम्ह नाप ३१ म्ह सांसदपिनिगु समर्थनय् सरकारं विश्वासया मत काये धुका जक बजेटय् छलफल सुरु यायेगु तयारी दु ।

मुक्क ६० म्ह सदस्यीय गण्डकी प्रदेशसभाय् राष्ट्रिय जनमोचाया कृष्ण थापा पदमुक्त जुगुलि सांसद ५९ म्ह जक आः कायम जुगु दु।

Categorized in राष्ट्रिय